أقول ماشي لا أتصبر
أقول إمكن أكيد تظهر
يزيد شوقي وتغيب اكتر
أمش ضهبان واتجرجر
وأقول يا ناس
أنا المنشر أنا الممعوط
وتضحكي قر
وأكون مبسوط
واقولك شرتك سكر
عصير مظبوط
وبرضو نجيك ومانخجل
وألصق فيكي لا بنفك ولا بنحل
تقولي علي زول أهبل
ومامعقول ده ود مخبول واتقبل
وأريت أرتاح
ومن الطب احول ( للمنج منتي )
واكون جنبك
ويكون فارقنا فد سنتي
واعاين فيكي بس إنتي
وتغيبي كتير
وأنشد فيكي مابنتي
ومابنتي .... ومابنتي
تقولي علي أكيد جنيت
ده أنا الفي عمري مادكيت
أقولك صح حقيقه نسيت
واغالط نفسي بي إصرار
وقول إمكن انا الماجيت
تسلمي إنتي في الشارع
تقلبي الماضي لي مضارع
ونرجع تاني نتكبكب
نقول يا ناس
حليل إيدين تسالمنا ونتشهد
قمر بيضوي عز الليل
عشان ما نحن نتعبد
وندعو كتير
نجر سبحتنا ألفيه
نقول يا الله يا رحمن
ويا رزاق ويا منان
نشوف في الجنه حوريه
واريت شوفتنا لي كاريكا
في دنيتنا يوميه
حاشيه :
منج منت : معناها علوم إداريه
كاريكا : لقب كان يطلق علي الفتاة الجميله في الجامعه
أقول إمكن أكيد تظهر
يزيد شوقي وتغيب اكتر
أمش ضهبان واتجرجر
وأقول يا ناس
أنا المنشر أنا الممعوط
وتضحكي قر
وأكون مبسوط
واقولك شرتك سكر
عصير مظبوط
وبرضو نجيك ومانخجل
وألصق فيكي لا بنفك ولا بنحل
تقولي علي زول أهبل
ومامعقول ده ود مخبول واتقبل
وأريت أرتاح
ومن الطب احول ( للمنج منتي )
واكون جنبك
ويكون فارقنا فد سنتي
واعاين فيكي بس إنتي
وتغيبي كتير
وأنشد فيكي مابنتي
ومابنتي .... ومابنتي
تقولي علي أكيد جنيت
ده أنا الفي عمري مادكيت
أقولك صح حقيقه نسيت
واغالط نفسي بي إصرار
وقول إمكن انا الماجيت
تسلمي إنتي في الشارع
تقلبي الماضي لي مضارع
ونرجع تاني نتكبكب
نقول يا ناس
حليل إيدين تسالمنا ونتشهد
قمر بيضوي عز الليل
عشان ما نحن نتعبد
وندعو كتير
نجر سبحتنا ألفيه
نقول يا الله يا رحمن
ويا رزاق ويا منان
نشوف في الجنه حوريه
واريت شوفتنا لي كاريكا
في دنيتنا يوميه
حاشيه :
منج منت : معناها علوم إداريه
كاريكا : لقب كان يطلق علي الفتاة الجميله في الجامعه